niedziela, 15 maja 2016

Veni, Sancte Spiritus

Veni, Sancte Spiritus,
Et emitte caelitus
Lucis tuae radium.
Veni, pater pauperum;
Veni, dator munerum;
Veni, lumen córdium.
Consolator óptime,
Dulcis hospes animae,
Dulce refrigerium.
I In labóre requies,
In aestu temperies,
In fletu solatium.
O lux beatissima,
Reple cordis intima
Tuórum fidelium.
Sine tuo numine
Nihil est in hómine,
Nihil est innóxium.
Lava quod est sórdidum,
Riga quod est aridum,
Sana quod est saucium.
Flecte quod est rigidum,
Fove quod est frigidum,
Rege quod est devium.
Da tuis fidelibus,
In te confidentibus,
Sacrum septenarium.
Da virtutis meritum,
Da salutis exitum,
Da perenne gaudium.
Amen. Alleluja.

Brak komentarzy:

Prześlij komentarz